National Law University atema teti asoshi campus ka semzüktsü

Guwahati, March 24 (Agencies): National Law University & Judicial Academy, Assam atema teti asoshi campus ka Amingaon, Kamrup nung March 25, 2017 nü semzüktsütsü.
Iba sentong nung Chief Minister, Sarbananda Sonowal, Supreme Court nungi Justice J Chelameswar, Justice Ranjan Gogoi, Justice Sharad Arvind Bobde, Justice Abhay Manohar Sapre aser Justice Amitava Roy nunger den Gauhati High Court nungi Chief Justice-i anir judge tem arua adentsü, ta osang ajanga ashi.
National Law School & Judicial Academy, Assam Act, 2009 nung ajemdaker State sorkari national Law University & Judicial Academy, Assam ya lapok.
Iba University nung Gauhati Hijgh Court indang Chief Justice ya Chancellor lir.
Iba University nung regular class 2011 küm September ita nungi tenzük saka iba University asoshi campus maliba ajanga Guwahati nung aliba Ulubari North East Judicial Officers’ Training Institute indang kiojen amshia aru.
National Law University & Judicial Academy, Assam nung küm pungu indang BA LLB (Honours) course, küm ka indang LLM degree aser PhD degree agütsür.