National level nung ‘short film’ tetoktepba akatsü

Dimapur, July 30 (TYO) : National Blood Transfusion Council (NBTC), Ministry of Health & Family Welfare, Govt. of India den lokteper Friends2support.org-i linük sasep nung pei sasa mulungteta azü tenlaba (Voluntary Blood Donation) nung ajemdaker ‘short film’ tetoktepba ka ayongzüka lir, ta sangdong ka ajanga metetdaktsü.
Iba tetoktepba ya Hyderabad nung October 01, 2015 nü akatsü. Iba tetoktepba nung temulunger ajaki shilem agitettsü. Shilem aginer ajaki August 31, 2015 nü tashi nung tenüng agütsüsepang aser iba tetoktepba nung adentsü asoshi sen menüngdaktsü.
Tetoktepba atema temzüng aser telatetbatem:
1. Iba ya film tatsü tetoktepba asünung film tatsü dang agizüktsü. Documentary mesükba film tembo magizüktsü. Onüki aginüba ama süra animated film tatsü-a agizüktsü.
2. Tetenzük aser tatembang ajak senteper film tasazükji minute 3 (second 180) dak nungi talangba masütsüla. Iba tasazük dang nungi talangba film temji tetoktepba nung shilem magidaktsütsü. Ano film tatsütibaji second 30 bosa asütsüla.
3. Film ajak January 1, 2015 nü sülen tangokba asütsüla.
4. Film temji pei oshi nung yanglutsü akok saka English subtitle alitsüla. Tanga tetoktepba nung khen danga shilem agir aliba film bo iba tetoktepba nung magitsü. Memeteti agi ka asünunga kodang putetdir indangjisa tetoktepba nung agientsü/senpet magutsütsü.
5. Film ajak MPEG4 mesüra AVI format nung tangoktsü akok. Taginüba ratio ji, 16:9/16:9 Full Height Anamorphic-in DV/HDV alitsü.
6. Shilem aginertemi online nung www.friends2support.org/shortfilm ajanga tenüng agüja form fillup asüba sülen ‘unique code’ ka angutsü. Iba code ji Friends To Support, Hyderabad office dangi yokba DVD nungji zülur yoktsüla, ibaji tarutsü tongtepratep maparen nung amshitsü.
Iba tetoktepba nung mezüngbuba jenjang nung takok angur nem senpet 1,00,000, tanabuba aser tasembuba jenjang nung takok angur nem 50,000 aser 25,000 agütsütsü.
www.friends2support.org ajanga osang metetpelateptettsü.