National level tetoktepba mapang atsülanger

Kohima, October 13 (TYO): NBSE-i sangdong ka ajanga, register süa aliba shisaliok reju balala nung ketdangsertem dang Ministry of Petroleum & Natural Gas, Government of India leniba nung Petroleum conservation Research Association (PCRA)-i ayongzüka tang tagitak, National Level painting, essay writing aser quiz competition anogo aser mapang October 31, 2016 nikongdang 3:00 tashi atsülanger, ta metetdaktsüogo.
Anungji register süa aliba kaket rejutem nung tekolakpurtemi iba osang prokshia tejangrar kaketshirtem dang iba tetoktepba nung shilem agitsü ajungshidaksüner, ta kasa sangdong nungsa shia lir.