National Pension System melentsü atema tebilemba mali: Sorkar

New Delhi, Metsüremi 298 (Agencies): Tanü Lok Sabha nung sorkari, National Pension System (NPS), pension scheme tejenba agi melentsü tebilemba mali, ta metetdaktsü.
NPS ajanga subscribers atema kanga tongtibang süa inyaker, ta minister of state for personnel, Jitendra Singh-i tezüluba nung telangzüba agutsü.
Minister-isa, “NPS mapa küma inyaktsü atema temepishibatem lir, aser iba nungji NPS ji agientsü akok aser sorkari benefit pension system tejenba benoktsü atemaa benoka lir,” ta metetdaktsü. “April 1, 2004 aser iba sülen shimba Central sorkar mapa inyakertem atema NPS ji pension scheme tejenba agi melentsü tebilemba mali,” ta pai ashi.
April 1, 2004 matongdang shimba sorkar mapa inyakertem atema defined benefit pension system kübok pension ji qualifying service aser mapa inyaker kati tesüsabuba itasen agizükba asadanga yanglur. NPS kübok individual savings ji pension fund nung inoker aser sorkar indang Pension Fund Regulatory aser Development Authority nung invest asür.