National Poll tesüsabuba nung Hillary points 4 agi temaba nung lir

Washington, October 4 (Agencies) : Hillary Clinton aser Donald Trump na tsüngda o toktep mezüngbuba agiba sülen Hillary-i points 4 agi teimba lir, ta tang tesüsabuba national poll ajanga metetdaktsü.
CBS News/The New York Times poll ajanga ashiba agi, Democratic presidential nominee Hillary nungiter voters 45% aser Republican candidate Donald pusemer 41% lir.
Taoba ita kasa asadangba nung tenaprong 42% nung kasasa liasü.
RealClearPolitics ajanga tongtipang national polls indang osangtem bendena anidaker aser parnoki ashiba agi, tawa national polls ajanga Hillary-i 3.1 percentage point nungi marakzüi lir.
Mezüngbuba presidential debate ajanga Donald Trump dang nungibo Hillary Clinton atema tajangzük tuluba liasü, ta CBS News/The New York Times poll-isa bushitetba osang metetdaktsü.
Poll ajangasa bushitetba agi tebur voter teimbai Donald Trump pusemer aser parnokji 49 nungi 38% lir saka tetsür voter tem rongnung tembai Hillary Clinton pusemer aser parnokji 51 nungi 33% lir.