National Vector Borne District Control Programme senden amener

Dimapur, September 26 (TYO): September 26 aser 27, 2017 anogotem Dimapur nung National Vector Borne District Control Programme (NVBDCP) aser Integrated Disease Surveillance Programme State Review senden amener.
Sendenji Hotel Lake Shilloi nung amener aser nisung 60 shi shilem agir. Parnokji Senior Regional Director MoHFW Dr. L.A.Singh, NVBDCP aser IDSP ketdangsertem den state o district tem nungi staff aser CARITAS India nung teshimtet nübotem lir.
Tanü Deputy Director (NVBDCP) Dr.Neisakho Kere-i tesentepertem pelaa agizükba o jembi.
Anogo ananü senden nung Nagaland state-i 2030 tashi nung malaria samatsütsü atema alizüng ayuba asoshi teyari angutsü imlar, ta Dr.Neisakho-i ashi.
Senden nung State Programme Officer, NVBDCP, Dr.Kevichusa Medikhru-i Malaria Elimination Plan indang presentation ka sayu.
2022 tashi nung district ajaki 1 Annual Parasitic Incidence (API) tongtettsüla aser ibaji nütsüng yongsük 1000 shia malaria positive case ka dak teküpok asütsüla, ta Senior Regional Director, Dr. L.A.Singh-i ashi.
Asüng senden nung district tem nung mapa inyakba onük benoka lemsateptsü aser State Nodal Officer, IDSP-i Surveillance on Vector Borne Diseases indang presentation agütsütsü.