Navi Mumbai nung Nagaland House osang

Kohima, Rongjui/September 20 (TYO): Tang Nagalanf tatar senden nung MLA, Y. Vikheho Swu-i Navi Mumbai nung Nagaland House yangluba dak sendakba tasüngdangba ka langzüdang Deputy Chief Minister (Home)-i, iba building ya 2010 küm yanglu, ajisüaka Coastal Regulatory Zone (CRZ) clearance mesüi aliba ajanga sorkari ano mesemzük, ajisüaka iba atemaji inyakdar, ta ashi.
Kasa onük nung Opposition leader, T.R. Zeliang aser MLA, Yitachu nati asüngdangba langzüdang Chief Minister aser House Leader, Neiphiu Rio-i, clearance angutsü atema sorkari meranga inyakdar, aser tang tashi nungbo iba building nung shinga malir, ta metetdaktsü.