Navjot Singh Sidhu ji tamakoker rongnung adener: Kiren Rijiju

Guwahati, January 15 (Agencies): Cricket asaya nungi anisüngzüker yimtenren nung ajemoksang, Navjot Singh Sidhu tashi maliba party, Congress nung adenba atema Honibarnü Union Minister Kiren Rijiju-i pa tiluja jembiogo.
Tanü Union Minister of State for Home, Rijiju-i twitter ajanga, “Navjot Singh Siddhu ya külem tenzüker tajung ka lir. Pa Congress Party den külemi rong nung tzü telungi maitsü ni imlar. Küm 60 tashi India nungeri Congress aremzüka aruogo,” ta ashi.
BJP telok nung Sidhu ya Amritsar nung Lok Sabha MP liasü, saka yaküm September ita pai BJP toktsüba sülen tanü pa Congress Party nung aden.
Taruba Punjab assembly election February 4 nü agitsü, aser iba election nung Sidhu-i Amritsar East constituency menden nungi tokteptsü.
Deobarnü taoba mapang asemben tashi MP, Navjot Singh Sidhu-i Congress party lennir, Rahul Gandhi ajurua senden ka amenba sülen party nung denogo.