Nawazuddin Siddiqui-i Haraamkhor film atema senpak 1 agi

Mumbai, Jan. 13 (Agencies) : Actor Nawazuddin Siddiqui-i Haraamkhor film nung shilem agiba atema taa ajak agi sen 1 agi.
Shlok Sharma-i direct asüba movie nung Shweta Tripathi densema lir. Iba movie ya tesayur aser tanur na tsüngda meimtepba otsü ka lir.
“Nawaz aser iba movie nung inyaker ajaki senotsü makaba angateta sen tera dang, mesüra karibo kecha magi. Nawaz-i iba film indang otsü kanga saklok, aser lokti ajak ajungtsü atema pai iba mapa inyak. Pa mapa inyakba tamaitsü senpak 1 agi. Pa mapa aser teyari ajanga iba film takok angu,” ta Sikhya Entertainment nungi Guneet Monga-i ashi.
Iba film ya Monga aser Anurag Kashyap nati külemi yanglu.