NBA-i asür T. Suohu nem tetushi agütsü

Dimapur, October 25 (TYO): Nagaland Bar Association (NBA)-i October 25, 2017 anepdang 11:00 ako nung Dimapur Bar Association Hall nung asür T. Suohu nem tetushi agütsüba sentong ka ayonga agi.
Asür T. Suohu ji NBA nung kümsük asemben tashi Secretary inyaka liasü aser pa dak yimya-wainshin tajung alibatem bilemteta NBA züngsemtemi pa nem akhüm tetushi agütsü.
Asür T. Suohu ajanga ozüng amertem aika ajungmeso aser pa lenisüba aser pa takümji züngsemtem atema len tuyur ama benshitsü, ta Joint Secretary, N. Kevichusa-i sangdong ka nung metetdaktsü.
Sentong nung mendenji NBA President, Tali Ao liasü aser Secretary, V. Hukavi Zhimomi-i asür T. Suohu indang taküm otsü tatsüka lemsatep.