NBA-i Justice N. Chaudhury mang ayimer

Dimapur, November 16 (TYO) : Gauhati High Court nung Judge aser Executive Chairman, Nagaland State Legal Services Authority, Justice, N. Chaudhury ajungbena asüba atema aoksar aser pa mang ayimer, ta Nagaland Bar Association-i sangdong ka nung metetdaktsü.
Pa ya Gauhati High Court, Kohima Bench nunga taoba Portfolio Judge liasü.
Iba ama tejashi mapang ka nung Nagaland nung aliba legal fraternity-i asür Justice N. Chaudhury bilemteter aser pai mapa tajung inyakbatem Nagaland state indang putiotsütem nung züluoka ayutsü, ta NBA President, Tali Ao aser General Secretary, V. Hukavi Zhimomi nati sangdong nung shia lir.
Onoki Mrs. Panchali Chaudhury aser lar kibong den asüku lemsateper aser tsüngremi parnok nem tashi aser tesünep agüjang ta sarasademtsür, ta NBA-isa metetdaktsü.