NBA-i legal awareness sentong ayonga aka

Dimapur, Rongchii/April 24 (TYO): Hon Jubilee nüngtem nung küm tepeyong sentong balala agiyonga aruba nung shilem ka ama Nagaland Bar Association (NBA)-i Zunheboto, North Point Prayer Fellowship, SBCZ nung April 23, 2019 nü aser Wokha VDB Hall nung April 24 nü legal awareness sentongtem ayongzüka katsüogo.
District anaprongla nung Deputy Commissioner-i anir, GBs, Dobashi, kaketshir lenirtem aser nüburtem arua aden. Sentong nung shisalen agütsürji C. T. Jamir, Senior Advocate liasü aser pai Judicial Institutions aser Legal Services Authority onük nung ajemdaker tangazükba balala agüja liasü aser tanga shisalen agütsürtemi NGO aser temzüng ozüng dak ajemdaker jembi.
Iba sentong ya Peren nung tenzük aser NBA puri Jubilee mung nüngtem nung tanungba district ajak nung agiyonga aotsü sentong lir.
Item sentongtem ya Nagaland State Legal Services Authority (NSLSA) den longjemer agiyonga odar, shirnoki logistics aser tanga resources tsütsü teyari agüja arudar, ta Nagaland Bar Association, Secretary V. Hukavi Zhimomi-i sangdong ka ajanga metetdaktsü.