NBA-i Nagaland sema senzütsü

Dimapur, March 11 (TYO): Nagaland Bar Association (NBA)-i State tesem ajaklen sema District Bar Associations aser constituent züngsemtem ajurua senzütsü, ta tanü NBA Joint Secretary, N. Kevichusa-i sangdong ka ajanga metetdaktsü.
NBA-i March 15, 2017 nikongdang 2:00 ako nung Mokokchung Bar Association Office, Mokokchung nung Mokokchung, Mon, Tuensang, Longleng aser Zunheboto Bar Associations/Members ajurua senden amentsü aser March 16, 2017 nü 1:00 ako nung Wokha nung Wokha Bar Association ajurua senden amentsü.
Ano March 17, 2017 nikongdang 1:30 ako nung Kohima High Court Bar Office, Kohima nung Kohima, High Court, Phek aser Peren Bar Associations/Members ajurua senden amentsü.
Item senden nung lemteptsü onüktemji – NBA Constitution nung lateta aliba nung ajemdaker NBA Executive Members Expansion, NBA nung Enrolment, 2019 küm amongtsü aliba NBA Golden Jubilee aser Gauhati High Court (Principal Bench) nung anendaka aliba ken o onüktem nung o lemteptsü, anungji Association aser züngsemtem item senden nung medema arua adentsü mepishia metetdaktsür, ta kasa sangdong nungsa shia lir.