NBA lokti senden akatsü sangdonger

Dimapur, Rongjui/September 25 (TYO): Nagaland Bar Association (NBA) züngsem ajak dang Rongjui/September 28, 2018 nü 11:00 ako nungi tenzüka Bar office, District Court premises, Dimapur nung inti senden ka akatsü Nagaland Bar Association, Secretary V. Hukavi Zhimomi-i sangdong ka ajanga tanü metetdaktsüogo.
Iba senden nung State Bar rolls dak sendakba nung ken o lemtepba den tanga tongtiba ken o tem lemteptsü, anungji züngsem ajak iba senden nung tamakok maludaktsüi aru adentsü asoshi kasa sangdong ajanga V. Hukavi Zhimomi-i metetdaktsü.