NBCC-i HSLC aser HSSLC toppers nem tetushi agütsü

Kohima, Aami/June 07 (TYO): Aami/June 07, 2018 nü Platinum Hall, NBCC office Kohima nung Nagaland Baptist Church Council School Education Ministry-i NBCC züngsem school tem nungi HSLC aser HSSLC toppers nem tetushi agütsüba sentong tajung ka agiogo, ta NBCC Media & Publicity-i sangdong ka nung metetdaktsü.
Iba sentong ya School Coordinator, NBCC, Rev. Dr. M. Savi lenniba nung agi aser School Board Chairman, NBCC, Keviseto-i lokti pelaa agizükba o jembia liasü.
Sentong nung toppers kaketshirtemia jembia liasü aser Veto Assumi-i ken tajung ka aten. Sentong nungsa NBCC-i toppers dang pelaba aser tenüngsang agütsüba mapang agia liasü. NBCC General Secretary, Rev. Dr. Zelhou Keyho-i kaketshirtem den tayongzükba o jembiba sülen parnok asoshi sarasademja liasü.
NBCC-isa züngsem school temi meranga inyakba aser lenla ajak nung kaketshirtem junga anitetba atema tenüngsang agütsü.
Iba sentong nung toppers jenjang angur aser school temji- HSLC – (a) Bishal Chakraborty, Christian Higher Secondary School Dimapur (b) Sangerbenla Tzudir, Dimapur Mission Higher Secondary School (c) Shabana Khatun, Christian Higher Secondary School Dimapur (d) Kukucho Cukhamu, Ministers’ Hill Baptist Higher Secondary School Kohima aser (e) Sweeti Dey, Christian Higher Secondary School Dimapur nunger liasü.
HSSLC nungi toppers aser school temji- (a) Ritika Jain (Commerce), Christian Higher Secondary School Dimapur (b) Ria Jain (Commerce) Christian Higher Secondary School Dimapur aser (c) Mallika Agarwal (Commerce), Christian Higher Secondary School Dimapur nunger liasü.