NBCC-i Jangjashitsür

Dimapur, February 12 (TYO): ‘Chief Minister-i financial year tashi office nung alitsü atema mepishi’ ta osangkaket kar nung adokba osang ajanga NBCC kanga aoksar; o lemtepdang sorkar dang nungi iba ama temepishibaji NBCC-i mangu, mesüra onoki iba oji kecha telok danga mashi, ta Deobarnü NBCC General Secretary, Zelhou Keyho-i sangdong ka ajanga metetdaktsü.
“Iba ama oji NBCC telok nungi züngsem kati danga jembia lira, ibaji NBCC nungi tiyongtsüi ia jembir telok nungi official tongtepratep ka masü. Onok o lemtepdang iba ama temepishiba sorkari mebenok, mesüra sorkari NBCC nema iba temepishiba magutsü ta jangjashitsür,” ta NBCC-isa jangjashitsüogo.