NBCC-i Rev. Dr. I. Wati Lkr nem tenüngsang agütsür

Dimapur, October 01 (TYO): Nagaland Baptist Church Council (NBCC)-i sangdong ka ajanga India Missions Association (IMA) General Secretary tasenba, Rev. Dr. I. Wati Longkumer nem tenüngsang agütsüogo.
India Missions Association ya India nung mission tentet tulutiba lir aser mission mapa nung sentaka aliba Arogotem den mission agency timbaka iba tentet nung züngsemtem lir.
IMA headquarters ya Hyderabad nung amenoka lir aser World Evangelical Alliance (WEA) nunga Charter züngsem ka lir.
Rev. Wati ya 2008 küm nungi 2014 küm tashi Nagaland Mission Movement Director inyaka liasü, aser pa tenzükba mapangtong atemba sülen IMA nung NBCC missionary asütsü atema Febbruary 2013 küm Zumpha, Tsemenyu nung NBCC senden aliba mapang commission asü, ta kasa sangdong ajanga ashi.
1996 küm nungi pa aser par kibong Cambodia nung NMM missionary inyaka liasü, iba den külemi CBCNEI youth Department, Ao Baptist Church Shillong aser Clark Theological College, Aolijen nunga tenzüka aruogo.