NBCC-i Rev. Dr. Mar Atsongchanger nem tenüngsang agütsür

Dimapur, March 29 (TYO): National Council of Churches of India (NCCI) Tir inyaktsü atema Nagaland Baptist Church Council (NBCC) nung tang Tir teinyakdak, Rev. Dr. Mar Atsongchanger shimba atema NBCC-i pa nem tenüngsang agütsür, ta sangdong ka nung metetdaktsü.

NCCI ama linük jenjang nung telok ka nung asen züngsem ka Tir inyaktsü shimba atema kanga nüma tanga bilemer aser India nung Arogotem len anidang Tsüngremi Rev. Dr. Mar Atsongchanger nem shisatsü agüjang ta sarasademtsür, ta Nagaland Baptist Church Council, General Secretary, Rev. Dr. Zelhou Keyho-i NBCC tenüng nung metetdaktsü.