NBCC-i sorkar dang Digital India Day mamungtsü tuyur

Dimapur, April 12 (TYO): Nagaland nung Good Friday nü Digital India Day mamungtsü atema Nagaland Baptist Church Council (NBCC)-i Chief Minister dangi shidi ka züluogo.
Palm Sunday anogo nungi Easter Sunday tashi tamangertemi Passion Week mesüra Holy Week amunger aser iba hopta nung Good Friday dena lir, ta NBCC-i shidi nung metetdaktsü.
Alima ajunga nung Khristantemi Yisu Khrista asüba aser shia aruba bilemteta amunger aser iba mapang telok aser kijatemi Tsüngrem külemba aser tanela dak sendakba sentongtem agir. Anungji, Nagaland sorkari Nagaland nungbo Digital India Day mamungtsü ta tenangzükba aginür, ta NBCC-i shidi nungsa metetdaktsüogo.