NBSE ajanga orientation sentong atema metetdaktsür

Dimapur, Tsüklai/February 12 (TYO): Nagaland Board of School Education ajanga sangdong ka nung ashiba agi, NBSE portal nung Orientation Programme ka February 18, 2021 anepdang 10:00 ako nungi register süa aliba Institution aser Middle School tem (Government aser Private) atema virtual yimya nung ayongzüktsü.
NBSE portal amshia forms, question papers, fee agütsüba upload asütsü aser download asütsü atema aser data entry atema NBSE offline software asoshi rangloker sentong ya agitsü.
Iba sentong nungsa Class VIII nungi Class XII tashi kaketshir indang particulars tem online ajanga agütsütsü asoshia jembitsü.
Iba Orientation Programme nung Class VIII nung enrolment aliba Middle School tem (Government aser Private) densema NBSE kübok register süa aliba Institution ajak nungi mezüdoki adentsüla, ta sangdong ajanga ashi.
Register süa aliba Institution indang tekolakpur dang NBSE portal nung School ID amshia kaketshir indang particulars, fee payment, question paper download asüba, result upload asüba aser danga office mapa inyakba tesayur mesüra office assistant ka shimteta iba webinar sentong nung shilem agidaktsütsü metetdaktsü.
Orientation Programme ya virtual mode nung agitsü, anungji reju ajak dang internet aliba desktop computer/laptop amshi tajungba asütsü, ta ashi. Iba senden indang ID aser Passcode ya khen lir District WhatsApp group tem nung agütsütsü, ta sangdong ajangasa ashi.