NBSE aser DTE-i science azüngertem asoshi sentong ayonger

Dimapur, September 8 (TYO) : Higher secondary nung Science azünger kaketshirtem NSEE, JEE(Main), AIPMT amala tetoktepba balala indang meteta lidaktsütsü atema Nagaland Board of School Education aser Department of Technical Education-i sentong ayongzüka agitsü.
Iba sentong nung science stream agütsüba reju Principal temi Class XII nung azünger kaketshirtem ajak dendaktsütsüla aser school shia nungi subject teachers anana yoktsüla, ta sangdong ka nung metetdaktsü.
Iba dak sendakba nung district aser sentong agitsü anogotem tsünglanglen agütsür aser NBSE website www.nbsenagaland.com nung school shilem telemsa indang osang angutsü.