NBSE-i Annual Teachers Training Program ayongzüka agi

Dimapur, March 14 (TYO) : Nagaland Board of School Education (NBSE)-i Trinity College, London den yaritepa March 11-12, 2016 nung 3 buba ‘Annual Teachers Training Program in English communication’ ayongzüka agi.
Iba sentong ya NBSE office conference hall, Kohima nung agi aser shisalen sayurtemji- Dr. John Bentley (Trinity Academic Support Specialist, India aser Soma Podder (Trinity faculty, India) na liasü.
Iba sentong nung reju 22 nungi nisung 32 tashi shilem agi. Trinity College indang Graded Exam in Spoken English (GESE) atema kaketshirtem renemshitsü nükjidong nung iba sentong nung tesayurtem nem tesayuba agüja liasü.
Iba denji classroom management aser communication skills tesayubatem agütsü.
Alima nung GESE exams ya kanga dang tongtipang lir aser Europe o US nung university nung iba tatidang agüja takok angurtem züngteter. Taoba küm ana tashi Nagaland nungi kaketshirtemi iba tatidang nung 100% pass percentage nguteta lir.