NBSE-i Central scheme PM-VIDYALAXMI indang metetdaktsür

Dimapur, December 6, 2024 (TYO): Union Cabinet-i December 6, 2024 nü Central Sector Scheme PM-Vidyalaxmi mulunga agizükogo ta Nagaland Board of School Education (NBSE)-i metetdaktsü.

PM-Vidyalaxmi ajanga India nung top 860 quality higher education institutions (QHEI) nung admission anguba kaketshir tajungtem nem free education loans agütsütsü. Kümshia item HEIs nung kaketshir lakh 22 tema admission asür anungji PM-Vidyalaxmi ajanga parnok tajangzk angutsü, ta NBSE Chairman-i ashi.

Külen, Rs. 8 lakhs tashi anguba kibong nungi kaketshirtemi 3% interest subvention angutsü. Iba ya Rs. 7.5 lakhs tashi sen apoba atema credit guarantee cover dak alia lir.

PM-Uchchatar Shiksha Protsahan (PM-USP) Scheme kübok Rs. 4.5 lakhs tashi anguba kibongtem nungi technical courses kaketshirtem full interest subvention agütsür. Anungji PM Vidyalaxmi aser PM-USP külemi India nung HEIs tajungtem nung azüngba kaketshirtem yaritsü.

Department of Higher Education-isa PM-Vidyalaxmi portal yanglur aser iba ajanga iba scheme tashishitsü melii aser zübazüba inyaktsü. PM-Vidyalaxmi Scheme ajanga school kaketshirtemi higher education azüngtsü tali jangradaktsütsü.

Iba osang ya Heads of Institutions ajaki kaketshirtem nem metetdaktsü mepishir, ta NBSE Chairman-i metetdaktsüogo.