NBSE-i class 9 aser 11 textbook meyipa reprangshi

Dimapur, December 19 (TYO): Nagaland Board of School Education (NBSE) class 9 aser 11 indang textbook tem reprangshiogo aser class IX Science dak alaka tanüngba textbook indang syllabi memelenshitsü.
December 19, 2017 nü NBSE Chairman, Asano Sekhose-i sangdong ka agütsüba nung, kaketshirtem nüngdaktem peritsütsü atema iba mapa ya inyak, ta metetdaktsü.
Textbook tasentemji academic session 2018 nungi amshitsü aser Class IX Mathematics & Science aser Class XI Physics, Chemistry, Biology & Mathematics atema NCERT books amshitsü. Class X aser XII atema-a shilem lemsar NCERT books amshitsü, ta NBSE Chairman-isa metetdaktsü.
Secondary jenjang atema Mathematics, Science atema Laboratory Manual aser Atlas (Map work book) ka adokogo aser itemji 2018 academic session nungi kaketshirtemi amshitsü, ta laisa ashi.
Nagaland Board of School Education nung züngsema aliba reju ajaki Board-i agütsüba syllabi aser textbook tem amshitsü metetdaktsür aser school ketdangsertemi item subject tem atema temsüa aliba tesayurtem shimtsü nenshia ashir, ta NBSE Chairman-isa metetdaktsü.