NBSE-i Dr. Abdul Kalam IGNITE 16 Competition atema sangdonger

Kohima, June 19 (TYO): Nagaland Board of School Education (NBSE)-i Dr. A.P.J. Abdul Kalam IGNITE 16 Competition atema maparen teinyaktak lir aser iba tetoktepba nung shilem agitsüpurtem atema August 31, 2016 nü tashi tenüng agizüktsü, ta metetdaktsüogo.
Linük tesem ajaklen agiba tetoktepba ya school tanurtem dak teshisatetba aser purapitetba tanela tasen alitsü atema lir. Item awards ji taoba mapang India Tir, Dr. A.P.J. Abdul Kalam nüngja nung agütsür. Item award ya pa nüngtem nung agütsüba ajanga tanurtemi maneni pa tanela nungi tajungshiba angutsü. Iba den külemi iba awards ya pa tasoba anogo, October 15 nü sangdongtsü, iba anogo ya Children’s Creativity and Innovation Day ta NIF-i ayonga amunger.
Iba tetoktepba ya Department of Science & Technology, Government of India kübok National Innovation Foundation (NIF)-i Honey Bee Network, CBSE, National/State Education Boards aser tanga partners densemer ayongzüka amunger.
Iba tetoktepba nung telatetbatem aser temetettsütem osang tejangja parnok indang website nung angutsü.
Kaketshirtem mesüra school ajanga NIF dangi www.ignite@nifindia.org ajanga August 31, 2016 nü tashi nung tenüng agütsütsüla mesüra iba address nung agütsütsü akok -Dr. APJ Abdul Kalam IGNITE 16 Competition National Innovation Foundation India Satellite Complex, Premchand Nagar Road, Vastrapur, Ahmedabad 380 015, Gujarat.