NBSE-i MBBS & BDS course Entrance Exam atema metetdaktsür

Dimapur, June 13 (TYO) : 2016 session nung MBBS aser BDS courses (State reserved seats) atema July 2, 2016 nü Nagaland State Entrance Examination (NSEE)-II, 2016 agitsü ta Nagaland Board of School Education (NBSE) sangdong ka nung metetdaktsü.
NSEE-II atema Examination centre ji Kohima jila asütsü aser Class XI & XII (Common Core Syllabus) indang NBSE syllabus nungi asüngdangtsü. Tasüngdangba ajak Multiple Choice Questions (MCQ) yimya nung dang alitsü aser biology paper ka nung 90 items, Physics nungi 45 items aser Chemistry nungi 45 items alitsü, ta NBSE sangdong nungsa shia lir.
Iba tatidang atema admit card temji NBSE indang office nungi examination fee agia agütsütsü aser tarutsü anogo nung tanga temetettsütem metetdaktsütsü, ta NBSE-isa metetdaktsü