NBSE-i NSEE tatidang osang metetdaktsür

Kohima, May 04 (TYO): Nagaland Board of School Education (NBSE)-i, Para Medical/Agri aser Allied degree courses atema Nagaland State Entrance Examination (NSEE) 2017 tatidang May 13, 2017 nü agitsü, ta metetdaktsüogo.
Iba tatidang ya Honibarnü, May 13, 2017 anepdang 10:00 ako nungi nikongdang 01:00 ako tashi agitsü aser Exam Centres ji Mezhür Hr. Sec. School, Kohima aser Ministers’ Hill Baptist Hr. Sec. School, Kohima na asütsü.
Temetettsü:
i. NBSE Office nung Provisional Admit cards ji May 11-12, 2017 anogotem nung agütsütsü.
ii. Candidate temi provisional admit card ji peisasa agizüktsüla.
iii. Nüngdakba kakettem- forms, admit card indang counterfoil, attendance register amala nung signature ji kasa asütsüla.
iv. Admit Card agizükdang Examination fee sen 500/- (Sen noklang pongu) agütsütsüla.
v. NSEE Admit card agizükdang Identity proof atema candidate temi HSSLC mesüra HSLC Examination indang admit card original/photocopy sayutsüla, aser ibaji parnok ket nung ayutsüla.