NBSE-i webinar ka ayongzüka agitsü

Dimapur, Chiteni/July 19 (TYO): Nagaland Board of School Education-i, Madhubun Educational Books den longjemer ayongzükba webinar nung shilem agitsü atema tesayurtem jaokogo. Iba sentong ya “Emotional and Psychological well-being of Students” omen nung ajemdaker July 30 nü nikongtsütsü 3:00 ako nungi 4:00 ako tashi agitsü.

Tangazükdak aser renloka aodak tesem ka ama school tem ya kaketshirtem emotional aser psychological health nongita yaritsü atema aser yanglushitsü atema kanga tapet. Nüngtugu educationist, psychologist aser well-being coach Ruma Purkayastha-i iba sentong nung shisatsü balala agütsütsü.

Webinar atema meeting ID aser passcode:

Zoom meeting: https://us02web.zoom.us/j/86234863975

Meeting ID: 862 3486 3975

Passcode: 562746

Institutions tekolaktem dang iba webinar nung shilem agitsü atema tesayurtem ajungmesotsü mepeshia metetdaktsüogo.