NCA-i achaayanga Cricket Selection Trials akatsü

Dimapur, August 22 (Agencies): Under-16 aser Under-19 team atema Nagaland Cricket Association puri achaayanga September 3 nungi 5 tashi Nagaland Cricket Stadium, Sovima, Dimapur nung asayartem shimba sentong ka ayongzüka agitsü. Iba atema Nagaland nung district cricket associations ajak dang shilem anaprongla nungi tajemba agi asayar pongungu, forwarding letter dena bener yoktsü asoshi metetdaktsüogo.

District cricket associations temi shimmer yokba asayartem ajak forwarding letter den pei indang cricket kits tem bener NCA Stadium, Sovima nung September 3 nü 8:00 ako nung adenshitsü asoshi metetdaktsüogo. Under-16 asayartem 1-9-2001 sülen asortem asütsüla aser parnoki pei original Birth Certificate aser school ID Card bener arutsü nüngdaker. Kasa mapang nung Under-19 asayartem-i pei indang original Birth Certificate, Aadhar Card aser Matric Admit Card bener arutsü nüngdaker aser parnok 1-9-1998 nü mesera iba sülen asortem asütsüla.

District association temi yokertem aser kulikaket tejangja alir asayartem NCA puri chiyongtsü, tanendak aser meyipa taoi bus fare agütsütsü.

Iba sülen asayartem Board of Control of Cricket in India (BCCI)-i shimba observer ka kübok küm tendangtsü. BCCI temzüng nung aliba ama asayartem teret tendangba sülen küm jangjartem dang state U-16 aser U-19 team shimtsü atema coaching camp-i ajatsü.

Taoba season nung züngoksema alir asayartem shirnok küm agi tonga ali, parnok ajak trail atema arutsü asoshi metetdaktsüogo.

Osang tejengja metetnüra Cricket Development Committee Convenor, Nagaland A Rahman, den iba number: 9436006779 nung tongteprateptsü asoshi NCA puri metetdaktsü.