NCA-i anogo pezü Umpire Course agiogo

Dimapur, Rongjui/Sept. 11 (TYO): State nung cricket asaya ketdangsüba tali tashi itshitsü aser terenlok alitsü nükjidong nung Nagaland Cricket Association (NCA) ajanga Nagaland Cricket Academy, Sovima nung September 7-10, 2026 anogotem Umpire Course agia liasü. Iba court nung Nagaland kübok district balala nungi candidates 25 arua shilem agia liasü.

Iba course ya BCCI qualified umpire, Jayapal P-i agia liasü, shibai course nung shilem agirtem dang cricket umpiring nung technical aser practical yimyatem sayua liasü.

Anogo pezü sentong nungya shilem agir nem Laws of Cricket, umpiring yimya, telemtetba agiba, asaya tensa aser asaya ketdangsür teinyaktsütem angatetdakja liasü.