NCA-i BCCI Tir, Dalmiya asüba atema sasar: Rio

Dimapur, September 21 (TYO): Board of Control for Cricket in India (BCCI) Tir, Jagmohan Dalmiya asüba atema mangyima jashiba osang ka Nagaland Cricket Association (NCA) tenüng nung NCA Tir, Neiphiu Rio-i tanü Hombar nü lemsatepogo.
“Asür Dalmiya cricket sabang nung lenir tajung ka asüba den külemi, pai pa taküm alidang India nung cricket jenjang temalen ajungkettsütsü asoshi bendanga agüja inyaka liasü.Asür Dalmiya-i India aser international sabang nung cricket jenjang tajungba kümdaktsütsü asoshi inyakba mapa tajungtemji kodanga mamatettsü,” ta pai ashi.
“Dalmiya asüba ajanga India aser alima ajunga nung cricket sabang nung shilem agirtemi takoksa tulu ajurur,” ta shia, asür Dalmiya’er kinüngertem den sasa bilemba olen ka Nagaland state tenüng nung Rio-i tanü metetdaktsü.