NCA nung shimoktsü atema camp ka akatsü

Under-16 aser Under-19 Cricket asayartem atema asemnü amungba camp ka NCA Stadium, Dimapur nung January 3 nungi 5, 2016 tashi agidar. Iba camp nung district trok nungi parnok ajak agi nisung 45 shi-i shilem agidar. State nung cricket asaya nung sempet alirtem shimtettsü atema Nagaland Cricket Association-i iba sentong acha ayanga agir.

Dimapur, January 03 (TYO): Nagaland Cricket Association (NCA)-i Under-16 & Under-19 atema NCA Stadium, Sovima, Dimapur nung January 3 nungi 5, 2016 nü tashi ‘Selection cum Coaching Camp’ sentong ka tagidak lir, ta NCA nung tongti tezülur Abu Metha-i sangdong ka ajanga metetdaktsü.
District Association ajak nungi Under-16 & Under-19 nungi tajemba agi asayar trokrok (6) den district coach kaka dena iba camp nung adentsüla, aser asayar shiai tasoba küli kaket ‘original’, tesüiba exam result, Under-19 pur matric admit card aser ajaki passport noksa pezüzü den pei meyong cricket asayadang amshiba oset aser sübotsü temesüng bener arung, ta Abu Metha-i kasa sangdong ajanga ashi.
Asayar shia September 01, 2015 nü tashi nungtu arishi küm 16 mesüra 19 malemi alitsüla aser asayar ajak tenüng District Association Tir mesüra Tongti tezülur ket nung agütsütsüla.
Camp nung shimtetertem camp tatem nü BCCI tetuyuba kübok küm asadangba agitsü.
Osang metetteptsü asoshi A.Rahman (9436006779) aser Atha C. Angami (9436001017) nunger den jembi nung ajungtsü.