NCC cadet temi district pungu nung merükmeju mapa inyak

Dimapur, September 28 (TYO) : September 28, 2016 nü 25 Nagaland (I) Coy NCC nungi cadet temi Mokokchung, Tuensang, Zunheboto, Mon aser Longleng district hospital tem nung merükmeju mapa inyak.

Swachh Bharat Abhiyan nung shilem ka ama District Hospital pungu nung iba mapa inyak, ta Commanding Officer 25 Nagaland (I) Coy NCC, Lt. Col V. Srinivas-i metetdaktsü.

Mokokchung nung school pezü aser Fazl Ali College nungi cadet 100 den tema adenshia iba mapa nung shilem agi. Army Wing, Air Wing aser Girls Cadet temi Commanding Officer aser District Hospital ketdangsertem lenisüba kübok anepdang 11:00 ako nungi nikongtsütsü 1:00 tashi mapa inyak.

NCC-i merükmeju mapa inyakba atema Imkongliba Memorial District Hospital Mokokchung Medical Superintendent, Dr. Medem-i pelaba metetdaktsü.