NCC Cadet temi tenangzükba agi

Kohima, June 26 (TYO): International Day against Drug Abuse and Illicit Trafficking anogomong nung Bodhbarnü NCC Gp HQ Kohima kübok 1 Nagaland Girls Bn NCC nungi NCC Cadet temi awareness programmes aser central lectures nung shilem agiogo, ta Col C Konwer, PRO (DEF)-i sangdong ka nung metetdaktsü.
Senior Wing nungi timba ser cadets 1125-i Associated NCC Officers den külemi tesem balala nung sentong balala nung shilem agia denogo.
Kohima nung Kripa Foundation-i ayongzükba sentong nung cadets aden, aser iba sentong nung tetushi tejaokerji Nagaland State Angh, PB Acharya liasü.
Ano iba anogomong sentong agiba tanga tongti tesemtemji- Peren Govt College, Baptist HSS, All Saints HSS & GHSS, St Xavier College Jalukie (Peren District), Dimapur nung tongti tesemtemji Don Bosco Dimapur aser Christian HSS Dimapur nung liasü.
Cadet temi temesepba mozü den tanga temesepba substances machitsü aser mozü achirtem yaritsü atema tenangzükba agia liasü.