NCC Director General-i Nagaland Governor ajuru

Dimapur, Monupii 22 (TYO): Lieutenant General PP Malhotra, Vishisht Seva Medal, Director General of National Cadet Corps-i tanü, Sangtennü Dimapur nung Nagaland Governor, PB Acgarya ajuru. Iba senden nung General Officer-i Nagaland Governor den National Goals nung ajemdaker National Cadet Corps nükjidong lemsatepa liasü. State nung National Integration aser linük yangerba nung takok angutsü asoshi NCC unit temi inyakba indang jembi.
Lieutenant General PP Malhotra ya Dimapur aser Kohima nung aliba NCC unit balala ajurutsü asoshi arua lir. Pa state nung Monupii/May 22 nungi 23, 2018 tashi alitsü.
General Officer ya linük nung National Cadet Crops ketdangsertem rongnung temaba lir aser pai state semdangba ya state nung NCC inyakyim metettsü aser ketdangser aser NCC unit tem nungi züngsemtem den sensaksemtsü atema aruba lir.
Monupii/May 22 nokingdang Dimapur atongba sülen Lieutenant General PP Malhotra-i NCC Directorate, North East Region, Shillong nungi senior officers den sensaksem aka, kong Major General Raju Chauhan, Additional Director General NCC, North East Region-i North East State tem nung NCC inyakyim indang osang agütsü. Iba sülen pai Dimapur nung aliba 1 Nagaland Air Squadron NCC semdanga iba unit nung training agiba reprang.