NCC girl cadet tem Annual Training Camp agi

Dimapur, November 7 (TYO) : 1 Naga Girls Bn nungi NCC Girl cadets 531-i October 26 nungi November 4, 16 tashi St Joseph College Jakhama nung Annual Training Camp nung takok ngua shilem agiogo.
RDC contingent nung Senior Wing girl cadets 15 aser Junior Wing girl cadets 10 shimtsü atema iba training ya agi.
Sentong nung Nagaland kübok district 11 nungi tetsür cadet temi shilem balala agi aser parnok nem Nagaland nung NNC indang Group Commander, Brig MS Nikam-i tenüngsang agütsü.
Paisa, cadet tem meina aruba Associate NCC Officers nem tenüngsang agütsü aser “iba ya taküm asoshi Girl cadets indang NCC camp anabuba ayongzüka agiba lir” ta metetdaktsü.
Sentong nung Jakhama Military Garrison-i weapon display liasü aser ibaji Parachute Regiment nung Commanding officer, Col Sarkar ketdangsüba nung agi.