NCD-i public rally atema metetdaktsür

Dimapur, January 21 (TYO): January 23, 2017 anüngdang 11:00 ako nung DC court junction anasa State stadium Dimapur nung JCC-i ULBs elections dak sendakba nung public rally ayongzüka agidang nübortem nem timtem kecha magütsütsü, ta Naga Council Dimapur, President, T. Bangerloba-i sangdong ka nung metetdaktsü.
Dimapur nung business, private, Government establishments nem timtem kecha magütsütsü aser akhi ama mapa inyaksangshitsü, ta paisa ashi.
Naga Council Dimapur-isa iba sentong nung public ajak arua adentsü mepishia metetdaktsür, ta sangdong nungsa shia lir.