Nchumbemo asüba atema Dy. CM-i mangyimer

Kohima, September 25 (TYO): BJP Wokha District Ex-servicemen Cell züngsem, Nchumbemo Murry September 25, 2019 nü Panacea Nursing Home, Wokha Town nung asüba osang angashia Dy. Chief Minister aser BLP Lenir, Y Patton-i jashia mangyimer, ta Media Cell DY. CM office sangdong ajanga metetdaktsü.
Pa asüba ya par kibong atema dang masü saka BJP Wokha district-a teintet lenir ka aser nisung tajung ka akoksar, ta sangdong nung shia lir.
“Iba ama mangyim jashi mapang nung Nagaland BJP MLA tem aser state BJP lenirtem ajak tenüng nung ni mangyimer kibong aser kinüngertem den mangyim jashi lemsateper aser asür tanela tesünep nung anisüngzükdakjang ta sarasademtsür,” ta sangdong nung shia lir.