NCRC-i sarasadem sentong ayonger

Kohima, Rongchii (April 19 (TYO): Nagaland atema prayer centre, Nagaland Christian Revival Church (NCRC) PR Hill Kohima-i ita shia sarasademba sentong Rongchii (April) 27 nungi 29 nü tashi anepdang 10:00 ako aser 4:00 ako nung akatsü, ta metetdaktsü.
Iba sentong nung tongti o jembirtemji NCRC, P.R. Hill Pastor Yangulie Sanchu aser Phek Prayer Centre, Pastor Alo Nuh na asütsü.
Old Minister’s Hill Women Prayer Fellowship, Kohima-i choir anitsü aser prayer warriors NCRC PR Hill Kohima nungi advance prayer group ka alitsü.
Item sentongji Tenyidie aser Nagamese oshi nung agitsü aser Küptoknü (Honiba) anepdang Kibubar Benjung akatsü aser Amongnü sentong nung taneptsüba sentong ka agitsü, iba dak sendakba nung program committee NCRC PR Hill Kohima-i nübur ajak dang iba sentong nung dena temoatsü agitsü jaokogo.