NCS Probationer-i Dzükou semdang

Kohima, Monupii/May 07 (TYO): Field training dak sendakba nung NCS (P) den Administrative Training Institute nungi ketdangsertem aser staff temi Monupii/May 05, 2018 nü tetsüng agi jajaa Dzükou Valley semdanga liasü, ta osang ka ajanga metetdaktsü.
Deputy Director & Course Coordinator, ATI, Dr. Hovithal Sothu leniba nung parnok ajak agi nisung 24-i Tzükou semdanga liasü.
Trekking dak alia temoatsü tekülem sentong-a ka agi aser iba mapang nung Addl. Director, ATI, Kevekha Kevin Zehol-i officers dang, NCS officer ka akumtsü atema mitkartem mesüka timtem aremtsüla, ta ayongzüka liasü.
Paisa tang tasen shimba officers dang, tesem kong nung mapa atadir ataaka pei khuret meteta kanga nendaka inyaktsüla, ta ayongzük.
“O agi dang masü saka mapa agia asenok milen sayurtem asütsüla,” ta pai ashi.
Anogo ananü trekking programme ya, Probationer temi pei tenzükba wadang nung nokdakdang shi nung anibelem balala arema inyaktsü nükjidong nung ayongzüka liasü.