NCSA-i ketdangsertem nem tenüngsang agütsü

Dimapur, June 6 (TYO) : Nagaland Civil Service Association (NCSA)-i SDO (Civil) Thonoknyu, Shaying Sheu, NCS, EAC Monyakshu, Sentilong Ozukum, NCS, EAC Mopong, Yanithung Ngullie, NCS, EAC Satoi, Nokpai Konyak, NCS, aser EAC Phokhongri, James Renben Kikon, NCS nunger nem tenüngsang agütsü.
Item ketdangsertemi pei inyaktsü lemzükba tesem nung mapa kanga junga inyakba aser talila awaloka oa inyakba atema NCSA-i tenüngsang agütsü.
Par ketdangsütsübaren nung mazüngi inyakba den külemi Govt. High Schools nung tesayur ama yaritepba aser home tuitions agütsüba ajanga Naga nunger lanurtem tarutsü yanglutsür, ta NCSA sangdong ka nung metetdaktsü.
NCSA-isa ADC Pungro, Wennyei Konyak, NCS, aser EAC Pungro HQ Chumpenthung Ezung, NCS shibai EAC Khongsa additional charge bena lir, tenati Pungro Sub-Division nung Eco-Tourism, Khullar Festival aser Apple Festival nungertem apiteta inyakba atema tenüngsang agütsü.
June 1, 2016 nü NCSA Executive Meeting amendang item ketdangsertem nem tenüngsang tulu agüja liasü, ta NCSA President, Kevekha Kevin Zehol, NCS-i ashi.