NCSU ajanga FONESA dang pelar

Dimapur, Chiteni/July 22 (TYO): Federation of Nagaland State Engineering Service Associations (FONSESA) ajanga Kohima nung July 22 aser 23, 2022 anogotem Indian Engineers’ Federation (North East Region) Mid Term cum Annual Council Meeting ayongzüka agiba angashia Nagaland Contractors’ and Suppliers’ Union (NCSU) kanga pelar, ta NCSU ajanga sangdong ka nung ashi.

INDEF (NER) nungi State level unit balala indang delegates aser Indian Engineering Federation (INDEF) nungi iba sentong nung adentsü aruba atema pela agizüker aser North East Region nungi engineer temi Nagaland aser linük ajunga densema terenlok asoshi süoki ia bilemba atema pelar, ta ashi.

Iba senden ananü amenba ajanga North East Region nung ternlok aser ki-o-jen tsütsü danger memenep aliba indang jembitsü aser North East Region yalinük nung danga tesemtem den kasa akumtsü asoshi sentong karbo yanglutsü imla atar, ta sangdong ajanga ashi.

Iba senden nung adenertem state nung jangratema munger pei aiba tesemi meyipa aodang Nagaland aser North East region terenlok asoshi ambassador ka-ka asütsü imla atar, ta NCSU ajangasa ashi.