NCSU-i Police Engineering Project dang metetdaktsür

Dimapur, March 2 (TYO) : Nagaland Contractors’ & Suppliers’ Union (NCSU) Head Office, Kohima Nagaland-i Police Engineering Project kübok maparen balala atema table tender ajak athitsü atema takhangba agütsü.

Iba inyakyim ya sorkar tetuyuba anema lir. Anungji bangdak ketdangsertemi table tender mapatem ajak anentsü aser NCSU office den tekaratiba nung tongteptsü ayongzüker. Iba temepishiba anema inyakra, NCSU-i department anema PIL benoktsü, ta NCSU Tir, Pele Khezhie aser Tezülur, Imsünok Jamir nati külem sangdong ka nung metetdaktsü.