NCSU-i Table Tenders inyakyim anentsü nenshir

Dimapur, July 19, 2021 (TYO): Nagaland Contractors & Suppliers Union (NCSU)-i state sorkar department tem dang Table Tenders inyakyim anentsü nenshia metetdaktsüogo.

Nagaland nung department temi contract mapa atema Table Tenders inyakyim malitsü atema aiben shiogo ta NCSU-i tanü sangdong ka nung metetdaktsü.

“Lateta aliba ama civil maparen ajak open tender ajanga inyaktsüla. Ajisüaka, NCSU-i aiben mepishiaka department teimba kati sorkar tetuyuba alema inyaker aser open tender melii mashi mapa lemzüktsür” ta NCSU president Pele Khezhie aser General Secretary John Kath nati sangdong ka nung ashi.

“Department ajaki table tender inyakyim meinyaktsüla aser table tender ajanga work orders agüja aliba ajak agiener open tender sangdongtsü metetdaktsür. Mekümdangra, NCSU-i aibelenba department tem anema PIL benoka okadak ajanga temeten bushitsüsa akümtsü” ta NCSU-isa metetdaktsüogo.