NCSU-i tang ama tensa nung nübur den yariteptsü ayongzüker

Kohima, Luroi/August 01 (TYO): Nagaland Contractors’ & Suppliers’ Union (NCSU) Head Office Kohima Nagaland ajanga NCSU züngsem ajak aser District 11 prongla nung NCSU Unit dang, tang asen lima iba ama alima tzü-mopung lendong mesükba tensa nung nübur atema teyaritep mapa inyaktsü ayongzüker, ta NCSU Tir, Pele Khezhie aser tongti tezülur, John Kath nati sangdong ka ajanga metetdaktsü.
Contractors’ Union-isa contractor ajak dang, talisa Excavator/JCB, Dozer ama machineries alirtem dang angati service agutsütsü, nübo agutsütsü aser senotsü teyari agutsütsü ayongzük.
“Asen nüburtem atema nenoki amalitepa temeim mapa inyaktsü onoki yongyaa atar; ibaji ajanga asen Union ajungmesotsü,” ta kasa sangdong nungsa shia lir.