NCSU ketdangpurtemi Kohima nung anentsüh aluba tesemtem semdang

Luroi/Aug 03, 2018 nü NCSU Tir, Pele Khezhie leniba nung NCSU Head Office nung ketdangpurtemi Kohima nung anentsüh aluba tesem balala semdangba mapang tangokba noksa nung angur. 

Kohima, Luroi/August 03 (TYO): NCSU Tir, Pele Khezhie leniba nung Nagaland Contractors’ & Suppliers’ Union (NCSU) Head Office Kohima team-i state yimtiba, Kohima aser temeket nung anentsüh aluba tesemtem semdanga liasü.
“Alima tzümopung lendong ajanga teraksatsüba tulu ajanga NCSU mepelar, iba ya asentenshitsü atema mapang agitsü,” ta NCSU, Nagaland: Kohima tongti tezülur, John Kath-i sangdong ka nung metetdaktsü.
Ajisüaka Union-i state sorkar dang nüburtem asoshi National Highway, State Highway aser District Roads ajak asentsnshir yanglushitsü mepishir, ta sangdong nung shia lir.
Tang lenmangtem aser anentsüh agi raksatsüba tesemtem tang rongdak süa yangluba maparen nung Union-i akokba tashi state sorkar den amalitepa inyaktsü, ta parnokisa metetdaktsü.
NCSU Head Office Kohima Nagaland-ia tawa alima tzümopung ajanga teraksatsüba nung amshitsü atema Chief Minister Relief fund nem sen lakh 1 tenla agutsüogo.