NCSU Mkg District-i metetdaktsür

Dimapur, October 9 (TYO) : Maytas-Gayatri (JV) Company nem Dimapur-Kohima National Highway-29 meyangludaktsütsü ta taoba mapang NCSU Head office-i metetdaktsüba nung Nagaland Contractors’ & Suppliers’ Union (NCSU) Mokokchung District-ia pusema nungiter, ta sangdong ka nung metetdaktsü.
Maytas-Gayatri (JV) company-i Special Accelerated Road Development Project Phase-1 kübok inyakba mapatem meinyaki yutsüba ajanga Nagaland kübok district aika nung timtem bener arutsüogo aser iba inyakyim ya sensotem mezüngmeshi ama züngshir, ta NCSU Mkg District President, L. Tajen Imchen aser General Secretary, Toshiakum Jamir nati sangdong nung shia lir.
Iba dak sendakba nung NCSU Mkg District-i Head office pusema nungiter aser Maytas-Gayatri (JV) dang tamasa SARDP phase-1 kübok two-lane project tembanga inyaktsü metetdaktsür, ta mendenpurtemisa sangdong nung ashi.