NCSU züngsemtem dang metetdaktsür

Dimapur, December 9 (TYO) : Nagaland Contractors’ & Suppliers’ Union (NCSU) Head Office Kohima-i December 14, 2016 anüngdang 12:00 ako nung senden ka amentsü ayonger.
Sendenji conference hall nung alitsü aser 4 lane Dimapur-Kohima lenmang dak sendakba onüktem benoka lemsateptsü. Anungji, share holders ajak adentsü mepishir, ta NCSU Vice-President, L. Setuo Rutsa aser Secretary, Imsünok Jamir nati sangdong ka nung metetdaktsü.
Maneni, December 15, 2016 anepdang 11:30 ako nung NCSU 41 buba General Session alitsü, anungji ‘registered members’ ajak arua adentsü mepishir. Talisa, District Unit office bearers & Head Office Advisors, Executive aser Action Committee züngsem ajak adentsü metetdaktsür, ta NCSU mendenpurtemisa ashi.
December 15 nikongtsütsü 4:00 ako nung Hotel Japfü Kohima nung Advent Christmas cum Best Traffic Award programme agitsü anungji NCSU züngsemtem ajaki item sentongtem yimdang nung lidaktsünür, ta parnokisa sangdong nung shia lir.