NCSU züngsemtemi Chief Minister, Dr. Shurhozelie ajuru

June 29, 2017 nü Nagaland Contractors’ & Suppliers’ Union (NCSU) züngsemtemi Nagaland Chief Minister, Dr. Shurhozelie Liezietsu ajurudang tangokba noksa nung angur. 

Kohima, June 29 (TYO): June 29, 2017 anepdang Nagaland Contractors’ & Suppliers’ Union (NCSU) ketdangser züngsem 27-i Nagaland, Chief Minister, Dr. Shurhozelie Liezietsu, pa indang office chamber nung ajurua liasü, aser Chief Minister mapang tatsüka dang inyakaka pai kanga junga inyakba atema pa nem tenüngsang agütsü, ta tanü NCSU tatong Tir, K L Setuo Rutsa aser tongti tezülur, John Kath nati sangdong ka nung metetdaktsü.
NCSU-isa, pa lenisüba kübok Naga nunger atema ano tajungtiba inyaktsü imlar, ta metetdaktsü.
Ajioda local contractor temi timtem balala ajuruba indang telangzüba agütsüdang Chief Minister-i NCSU dang, Naga nunger Contractor temi linük nung tanga contractors/company den toktepa inyaktettsüsa alitsü nüngdaker ta ajungshia liasü, ta sangdong nungsa shia lir.