NCYO-B teloki 1 buba Dimapur District volleyball akok

Dimapur, October 29 (TYO): Naga Colony Youth Organisation-B (NCYO-B) teloki final asaya koka, 1 buba Dimapur District Volleyball Tournament 2016 champions tanü, Honibar nü kümogo.
NCYO-B teloki tanü points 25-11, 25-22, 25-15 agi Yepeka’s Club final asaya nung tsükdaktsü.
NCYO-B teloki kulikaket den senpet sen 25,000 agizük aser Yepeka’s Club telokia tanabuba jenjang kulikaket den senpet sen 15,000 agizüka liasü.
Ano, tan asayamong semifinal asayatsü jenjang ajangzüker telok 2 prongla nem senpet sen 5000 agütsüba osang jangjaogo.
“Tan amala asayamong ayonga agitsüji mapa tasak lir saka sempet alir lanurtem ajungmesotsü nükjidong nung asayamong takok ngua ayongba atema tayonger nem tetushi agütsür,” ta final asaya nung tongti tesemdanger, taoba Nagaland MLA & Vice President NPF (Central), L Atovi Sumi-i metetdaktsü.
Anogo 3 agia asayaba asayamong nung Naga Colony Youth Organisation-B, Yepeka’s Club, United Club Padampukhuri, Naga colony Youth Organisation -A, ZVYC, Brotherhood aser Nona Brothers densema, ajak agi asaya telok 7-i toktepa shilem agia liasü.